Na Starem marku w Měsće jo se 24. februara protestěrowało měrnje pśeśiwo wójnje na Ukrainje. Něźi 30 luźi jo było pódla. Swěcki a chórgoje Ukrainy su wóznamjenili ten wjacor ako jo na bildoma wiźeś. 27. februara jo se k drugemu razoju měrnje pšosyło wó měr na Ukrainje. Licba pśibytnych jo była wětša a mjazy pśibytnymi su byli samo prědne wuběgańce z ukrainskego Lwowa. Pśi tej góźbje su startowali prědne akcije k pomaganju wuběgancam.
Załožba Slavonic Europe z Brüssela a k tomu zaposłańce Serbskego sejma a druge jadnotliwce ze Łužyce su zasuźili wójowaŕske cynitosći na teritoriumje Ukrainy. Južo pěty źeń gramjeju bomby pó ukrainskej zemi.
V. Z.
Foto: Olko D.